Cryptocurrency Prices by Coinlib

«Ֆուտբոլը ողբերգական պահ է ապրում: Ներկայիս մոդելն այլևս չի գործում»․ Մարոտա

d686d5b8d682d5bfd5a2d5b8d5acd5a8 d5b8d5b2d5a2d5a5d680d5a3d5a1d5afd5a1d5b6 d5bad5a1d5b0 d5a7 d5a1d5bad680d5b8d682d5b4 d5b6d5a5d680 608714f597cb1

«Ինտերի» գործադիր տնօրեն Բեպպե Մարոտան խոսել է ֆուտբոլային բարեփոխումների ու ֆինանսական ծանր վիճակի մասին:

«Ֆուտբոլը ողբերգական պահ է ապրում, ֆինանսական կայունության խնդիրը թաքնված է: Ներկայիս մոդելն այլևս չի գործում, այլևս երաշխիքներ չկան, այդ թվում՝ կորոնավիրուսի համաճարակի պատճառով:

Միմյանց դեմ պայքարելու փոխարեն, հուսով եմ, որ մենք կարող ենք քննարկել բարեփոխումները: Ծախսերը կարող են կրճատվել՝ կամ օգտագործելով նոր ձևաչափեր, կամ էլ արհեստավարժության մակարդակն իջեցնելով:

Մենք պետք է ամուր մնանք, ճակատագիրը մեր ձեռքում է: Այսօր իրավիճակը հիմնականում անորոշ է, և ճիշտ կլինի հանդիպել և հասկանալ ծրագրերը»,- ասել է Մարոտան DAZN-ին տված հարցազրույցում:

Սիրարփի Աղաբաբյան