Cryptocurrency Prices by Coinlib

Երևանում դիմակի պատճառով սպանություն կատարած տղամարդն ինքնակամ ներկայացել է ոստիկանություն

d5a5d680d687d5a1d5b6d5b8d682d5b4 d5a4d5abd5b4d5a1d5afd5ab d5bad5a1d5bfd5b3d5a1d5bcd5b8d5be d5bdd5bad5a1d5b6d5b8d682d5a9d5b5d5b8d682 607e81ac2cb0b
Պատահարներ

Ստանալ կարճ հղումը

266 0 0

Տղամարդու նկատմամբ հետախուզում էր հայտարարվել։ Երևանի կենտրոնում դիմակի պատճառով ուղևորին սպանելուց հետո նա թաքնվել էր։

ԵՐԵՎԱՆ, 20 ապրիլի – Sputnik. Երևանում, թիվ 54 երթուղային միկրոավտոբուսում ուղևորի սպանության մեջ կասկածվող Գարեգին Բաղդասարյանն ինքնակամ ներկայացել է Արտաշատի ոստիկանություն։ Տեղեկությունը հայտնում է shamshyan.com–ը։

Կայքի տեղեկություններով` այժմ նրան ոստիկանության Արտաշատի բաժնից տեղափոխում են ոստիկանության Կենտրոնական բաժին, որտեղից էլ՝ նախաքննական մարմին։

Ավելի վաղ հայտնել էինք, որ Գարեգին Բաղդասարյանն Արտաշատ քաղաքի բնակիչ է, 58 տարեկան։

Երեկ հայտնի էր դարձել, որ նրա նկատմամբ հետախուզում է հայտարարվել։

Հիշեցնենք` ապրիլի 14-ին՝ ժամը 10:10-ի սահմանում, Երևանում` Պարոնյան-Լեո խաչմերուկում, թիվ 54 երթուղին սպասարկող «Գազելում» սպանություն էր տեղի ունեցել։ Պատճառը եղել էր այն, որ սպանվածը` Երևանի բնակիչ, 40-ամյա Արմեն Հունանյանը, երթուղայինում նստած Բաղդասարյանին խնդրել էր, որ պաշտպանիչ դիմակ դնի, սակայն վերջինս վիճաբանել էր, ապա իր մոտ եղած դանակով հարվածել Հունանյանի կրծքավանդակին։