Cryptocurrency Prices by Coinlib

Իտալիայի վարչապետն իր աջակցությունն է հայտնել ՈՒԵՖԱ-ին՝ Սուպերլիգային հակազդելու հարցում

d5abd5bfd5a1d5acd5abd5a1d5b5d5ab d5bed5a1d680d5b9d5a1d5bad5a5d5bfd5b6 d5abd680 d5a1d5bbd5a1d5afd681d5b8d682d5a9d5b5d5b8d682d5b6d5b6 607dbe5745575

Իտալիայի վարչապետ Մարիո Դրագին հայտարարել է, որ երկրի կառավարությունն ամբողջովին աջակցում է ՈՒԵՖԱ-ին և Իտալիայի ֆուտբոլի ֆեդերացիային՝ եվրոպական ֆուտբոլային Սուպերլիգայի ստեղծմանը հակազդելու հարցում: Այս մասին հաղորդել է վարչապետի աշխատակազմի մամուլի ծառայությունը:

«Կառավարությունն ուշադրությամբ հետևում է ֆուտբոլային Սուպերլիգայի նախագծի շուրջ ընթացող քննարկումներին և հաստատակամորեն աջակցում է եվրոպական և իտալական պատկան ֆուտբոլային մարմիններին, որպեսզի պահպանվեն ազգային առաջնությունները»,- ասված է հաղորդագրությունում:

Ավելի վաղ Իտալիայի ֆուտբոլի ֆեդերացիայի նախագահ Գաբրիելե Գրավինան դեմ էր արտահայտվել Սուպերլիգայի ստեղծմանը, նշելով, որ այդ նախագծին միանալն ակումբներին դուրս է բերում ՖԻՖԱ-ի կողմից ճանաչված միջազգային ֆուտբոլային հարթությունից: