Cryptocurrency Prices by Coinlib

Մարմնամարզիկները մեկնում են Շվեյցարիա

d5b4d5a1d680d5b4d5b6d5a1d5b4d5a1d680d5a6d5abd5afd5b6d5a5d680d5a8 d5b4d5a5d5afd5b6d5b8d682d5b4 d5a5d5b6 d5b7d5bed5a5d5b5d681d5a1d680 607aab692ade8

Հայաստանի մարմնամարզության տղամարդկանց հավաքականը մեկնում է Եվրոպայի առաջնության: Այս մասին հայտնում է ֆեդերացիան: Հավաքական թիմը մարզչական շտաբի գլխավորությամբ Շվեյցարիա կմեկնի ապրիլի 18-ին:

Եվրոպայի առաջնությանը կմասնակցեն Արթուր Դավթյանը, Վահագն Դավթյանը, Արթուր Ավետիսյանը, Արմեն Պետրոսյանը և Գագիկ Խաչիկյանը: Հավաքական թիմը մրցավայր կմեկնի ապրիլի 18-ին և կվերադառնա 26-ին:

Ավելի վաղ Հայաստանի հավաքականի գլխավոր մարզիչ Հակոբ Սերոբյանը շեշտել էր, որ մասնակից անդամներից շատերը մեդալ նվաճելու հնարավորություն ունեն: «Իհարկե, Եվրոպայի առաջնությանը գնում ենք պայքարելու համար, 4-5 հոգի մեդալ նվաճելու հնարավորություն ունի, բայց Եվրոպայի առաջնությունում ամեն ինչ անկանխատեսելի է: Մենք հիմա գնում ենք մեդալ նվաճելու, այսօր բարձրակարգ մարզիկներ ունենք հավաքականում: Սակայն չգիտեմ, թե ինչ մարզավիճակում են մյուս մարզիկները` մեր մրցակիցները»,-նշել էր Սերոբյանը: