Cryptocurrency Prices by Coinlib

Մահացու վրաերթ Երևանում. մեքենայի ղեկին ծանրամարտիկ Սիմոն Մարտիրոսյանն է եղել

d5b4d5a1d5b0d5a1d681d5b8d682 d5bed680d5a1d5a5d680d5a9 d5a5d680d687d5a1d5b6d5b8d682d5b4 d5b4d5a5d684d5a5d5b6d5a1d5b5d5ab d5b2d5a5d5af 607547283514e
Պատահարներ

Ստանալ կարճ հղումը

23101

Վրաերթը տեղի է ունեցել «Երևան մոլի» դիմաց։ Հետիոտնը Արշակունյաց պողոտան անցել է չթույլատրելի հատվածով։

ԵՐԵՎԱՆ, 13 ապրիլի – Sputnik. Երեկ ուշ երեկոյան` ժամը 22:50-ի սահմաններում, մահացու ելքով վրաերթ է տեղի ունեցել Երևանի Արշակունյաց պողոտայում։ Վրաերթի ենթարկողը ծանրամարտի աշխարհի չեմպիոն, օլիմպիական խաղերի փոխչեմպիոն, Երևանի բնակիչ, 24-ամյա Սիմոն Մարտիրոսյանն է։ Տեղեկությունը Sputnik Արմենիայի հետ զրույցում հաստատեցին ՀՀ քննչական կոմիտեից։

Նա իր վարած «Մերսեդես CLՏ 550» մակնիշի ավտոմեքենայով «Երևան մոլի» դիմաց վրաերթի է ենթարկել փողոցը չթույլատրելի հատվածով անցնող մի տղամարդու:  

Սիմոն Մարտիրոսյանը փախուստի չի դիմել, զանգահարել է շտապօգնություն, օգնել է վրաերթի ենթարկվածին բժիշկների հետ տեղափոխել հիվանդանոց, սակայն վրաերթի ենթարկվածը ճանապարհին մահացել է:  

Ոստիկանության տվյալներով էլ` ապրիլի 12-ին, ժամը 22.30-ին Արշակունյաց պողոտայում վրաերթի ենթարկվածը ճանապարհը չթույլատրված հատվածով անցնող 27-ամյա Կամո Ամիրխանյան է, որը հիվանդանոց տեղափոխվելու ճանապարհին մահացել է:

Շտապօգնություն զանգահարելուց հետո վարորդը զանգահարել է նաև ՃՈ օպերատիվ կառավարման կենտրոն:  

Փաստի առթիվ ՀՀ քր-օր-ի 242 հոդվածի 2-րդ մասի հատկանիշներով հարուցվել է քրեական գործ (Երկաթուղային, օդային կամ ջրային տրանսպորտի երթեւեկության անվտանգության եւ շահագործման կանոնները խախտելը): 

Նշենք, որ Սիմոն Մարտիրոսյանը հենց երեկ էր վերադարձել Մոսկվայից, որտեղ Հայաստանի ծանրամարտի հավաքականը մասնակցում էր Եվրոպայի առաջնությանը։ Նա այդ մրցումներում փոքր ոսկե մեդալ էր շահել։