Cryptocurrency Prices by Coinlib

Ծանրորդ Հակոբ Մկրտչյանը` Եվրոպայի առաջնության բրոնզե մեդալակիր

d5aed5a1d5b6d680d5b8d680d5a4 d5b0d5a1d5afd5b8d5a2 d5b4d5afd680d5bfd5b9d5b5d5a1d5b6d5a8 d5a5d5bed680d5b8d5bad5a1d5b5d5ab d5a1d5bcd5a1 6071c48e22c8b

Հայաստանի ծանրամարտի տղամարդկանց հավաքականի անդամ Հակոբ Մկրտչյանը դարձավ Եվրոպայի առաջնության բրոնզե մեդալակիր:

Մոսկվայում ընթացող Եվրոպայի առաջնության 96 կգ քաշային կարգում պայքարի մեջ մտան Հայաստանի երկու ներկայացուցիչները` Հակոբ Մկրտչյանը և Դավիթ Հովհաննիսյանը: Պոկում վարժությունում Դավիթ Հովհաննիսյանը գլխավերևում պահեց 165 կգ, իսկ հրում վարժությունում զրո ստացավ:

Հակոբ Մկրտչյանը պոկեց 160 կգ, սակայն հաջորդ երկու մոտեցումներն անհաջող էին: Հրում վարժությունում գյումրեցի մարզիկը նախ բարձրացրեց 205 կգ, այնուհետ` 212 կգ, սակայն չբարձրացրեց 215 կգ: Նա նվաճեց փոքր արծաթե մեդալ: Երկամարտում Հակոբ Մկրտչյանը գարնցեց 372 կգ արդյունք և դարձավ բրոնզե մեդալակիր:

Մինչ այս Եվրոպայի առաջնությունում Իզաբելլա Յայլյանը (55 կգ) երկամարտում զբաղեցրեց 4-րդ հորիզոնականը, իսկ հրում վարժությունում նվաճեց փոքր արծաթե մեդալ: 81 կգ քաշային կարգում Ռաֆիկ Հարությունյանը երկամարտի 346 կգ արդյունքով գրավեց 4-րդ տեղը, իսկ հրում վարժությունում նա դարձավ փոքր բրոնզե մեդալ: 89 կգ քաշում Եվրոպայի չեմպիոն դարձավ Կարեն Ավագյանը, ով երկամարտում գրանցեց 375 կգ, ինչպես նաև արժանացավ փոքր ոսկե (պոկում) և արծաթե (հրում) մեդալների: 81 կգ քաշային կարգում Լիանա Գյուրջյանը դարձավ Եվրոպայի առաջնության բրոնզե մեդալակիր: Գյուրջյանը պոկեց 98 կգ և հրեց 129 կգ նվաճելով նաև փոքր արծաթե մեդալ: Հայաստանի ընտրանին Եվրոպայի այս առաջնությանը, որը վարկանիշային է Օլիմպիական խաղերի համար, մասնակցում է 14 մարզիկով: