Cryptocurrency Prices by Coinlib

Երազանքի պես մի բան էր Հայաստանում նման մի մրցաշարի մասնակցելը. Գյոկչյան

d5a5d680d5a1d5a6d5a1d5b6d684d5ab d5bad5a5d5bd d5b4d5ab d5a2d5a1d5b6 d5a7d680 d5b0d5a1d5b5d5a1d5bdd5bfd5a1d5b6d5b8d682d5b4 d5b6d5b4d5a1 60632818580f6

Լիբանանի բազմակի չեմպիոն «Ալ-Ռիադի»-ի բասկետբոլիստ Հայկ Գյոկչյանի կարծիքով Հայաստանում բասկետբոլը սկսել է զարգացում ապրել:

«Երազանքի պես մի բան էր Հայաստանում նման մի մրցաշարի մասնակցելը: Ցավոք սրտի, բասկետբոլի զարգացվածության մակարդակը Լիբանանում ավելի բարձր է և դրա համար էլ հանդես եմ գալիս այնտեղ: Շատ ուրախ եմ, որ Հայաստանում բասկետբոլը սկսել է զարգացում ապրել»,- լրագրողների հետ զրույցում ասաց Գյոկչյանը: Անդրադառնալով հայկական ակումբներին, որոնք հանդես էին գալիս Եվրասիական լիգայի բասկետբոլիստը շեշտեց, որ թիմերի առավել շատ պակասում է փորձը: «Եզրափակիչում իսկապես լարվածությունը շատ մեծ էր»,-ասաց Գյոկչյանը:

Մարտի 24-29-ը Երևանում երրորդ տարին անընդմեջ անցկացվեց բասկետբոլի Եվրասիական լիգան, որի եզրափակիչում մրցեցին Բեյրութի «Ալ-Ռիադի»-ն և Հայաստանի 20/21 մրցաշրջանի չեմպիոն «Վահագնի սիթի»-ն: Դրամատիկ վերջաբանով եզրափակիչում մեկ միավորի առավելությամբ հաղթեց լիբանանյան թիմը` 76:75: Հանդիպման ամենաարդյունավետ խաղացող ճանաչվեց Թադե Քեշիշյանը, որը «Վահագնի Սիթիի» կազմում վաստակեց 20 միավոր։

Եվրասիական լիգային մասնակցում էին 5 թիմեր Հայաստանից, Ռուսաստանից ու Լիբանանից: Համավարակի պատճառով մրցաշարում իրենց մասնակցությունը չունեցան Բելառուսի, Իրանի և Ղազախստանի թիմերը: