Cryptocurrency Prices by Coinlib

Քննարկվել է ձվի շուկայում ստեղծված իրավիճակը

d684d5b6d5b6d5a1d680d5afd5bed5a5d5ac d5a7 d5b1d5bed5ab d5b7d5b8d682d5afd5a1d5b5d5b8d682d5b4 d5bdd5bfd5a5d5b2d5aed5bed5a1d5ae d5abd680 605c82fd74d89
ՀՀ տնտեսական մրցակցության պաշտպանության պետական հանձնաժողովի (ՏՄՊՀՀ) նախագահ Գեղամ Գեւորգյանը հանդիպել է ՀՀ վարչապետի աշխատակազմի տեսչական մարմինների աշխատանքների համակարգման գրասենյակի ղեկավար Արթուր Ասոյանի, ՀՀ ԿԵ սննդամթերքի անվտանգության տեսչական մարմնի ղեկավար Գեորգի Ավետիսյանի եւ հանձնաժողովի անդամների հետ:

Հանդիպման ընթացքում քննարկվել է հավի ձվի շուկայում ստեղծված իրավիճակը:

«Ձվի շուկայում տեղի ունեցող զարգացումները գտնվում են հանձնաժողովի ուշադրության կենտրոնում: Խոշոր առեւտրային ցանցերում իրականացվել եւ շարունակվում են իրականացվել ամենօրյա մշտադիտարկումներ: Արդեն իսկ պաշտոնական հարցումներ են ուղարկվել ձվի արտադրություն իրականացնող խոշոր տնտեսվարող սուբյեկտներին եւ առեւտրային ցանցերին»,- ասել է Գեղամ Գեւորգյանը:

Հանդիպման ընթացքում անդրադարձ է եղել նաեւ բենզինի եւ դիզելային վառելիքի որակական եւ քանակական հատկանիշների վերահսկողությանն առնչվող, ինչպես նաեւ սննդի անվտանգության, մասնավորապես՝ թթվասերի եւ թթվասերային արտադրանքի պատշաճ մակնշման եւ մակնշումներին համապատասխան որակական հատկանիշների ապահովմանն ուղղված աշխատանքների վերաբերյալ հարցեր:

Հանդիպման ընթացքում պայմանավորվածություն է ձեռք բերվել շարունակել համատեղ աշխատանքները տարբեր ապրանքային շուկաներում խնդրահարույց դրսեւորումների կարգավորման ուղղությամբ՝ անհրաժեշտության դեպքում ներգրավելով նաեւ այլ գործընկեր պետական մարմիններին:

Աղբյուրը՝ Banks.am