Cryptocurrency Prices by Coinlib

Արցախի նախագահ․ Երեք տարում կկառուցվի առնվազն 5 հազ. բնակարան

d5a1d680d681d5a1d5add5ab d5b6d5a1d5add5a1d5a3d5a1d5b0e280a4 d5a5d680d5a5d684 d5bfd5a1d680d5b8d682d5b4 d5afd5afd5a1d5bcd5b8d682d681d5be 605c82f1cfca9
Հայաստանի վարչապետ Նիկոլ Փաշինյանի եւ Արցախի նախագահ Արայիկ Հարությունյանի գլխավորությամբ  այսօր տեղի է ունեցել խորհրդակցություն, որի ընթացքում քննարկվել են Արցախում իրականացվող եւ առաջիկայում նախատեսվող ծրագրերը։

Արցախի նախագահ Արայիկ Հարությունյանն ասել է, որ Հայաստանի կառավարության կողմից իրականացվող սոցիալական ծրագրերի արդյունքները շոշափելի են։

«Արցախի բնակչության մեծ մասը՝ մոտ 120 հազ. քաղաքացի այժմ բնակվում է Արցախում եւ բնականոն կյանքի առումով, կարծես թե, հաջողվել է ապահովել այն ամենն, ինչ պետք է։ 30 հազ. բնակիչներ գտնվում են Հայաստանում, բարեբախտաբար շատ քիչ մասն է լքել ՀՀ տարածքը»,- ասել է Արայիկ Հարությունյանը:

Նա նշել է, որ այս փուլում գլխավոր խնդիրը բնակարանաշինությունն է, որ 2,5-3 տարիների ընթացքում պետք է կառուցվի առնվազն 5-5,58 հազ. բնակարան:

«Սոցիալական վճարների առումով համարում եմ, որ դեռ մի քանի ամիս խնդիրը լուծված է եւ որեւէ արցախցի ընտանիք չի ունենալու հացի խնդիր, քանի որ նպաստները եւ միանվագ տրամադրված գումարները ժամանակավոր բավարարում են: Բայց բնակարանների կառուցման, տրամադրման խնդրի եւ աշխատատեղերի, եկամտի ապահովման առումով ունենք շատ անելիքներ։ Երկրորդ կարեւոր խնդիրը վնասների փոխհատուցման հարցն է, մեր շատ հայրենակիցներ կրել են մեծ վնասներ, որոնց փոխհատուցման առումով եւս մենք պետք է միասին որոշում կայացնենք»,- ասել է Արցախի նախագահը:

Հայաստանի վարչապետ Նիկոլ Փաշինյանն էլ ասել է, որ Արցախի բնականոն կյանքի վերականգնման հարցում կան բավականին շոշափելի արդյունքներ, բայց անելիքների ծավալը շատ մեծ է։

«Կարեւոր է, որ մեր քաղաքական վճռականությունն ու հանձնառությունն արտահայտենք այդ անելիքն ամբողջ ծավալով իրականացնելու եւ Արցախի ոչ միայն բնականոն կյանքի վերականգնման, այլեւ հետագա զարգացման մասին խոսենք, այդ ուղղությամբ կոնկրետ ծրագրեր իրականացնենք»,- ասել է Հայաստանի վարչապետը:

Աղբյուրը՝ Banks.am