Cryptocurrency Prices by Coinlib

Ներկայացվել են ԵԱՏՄ տնտեսություններին սպառնացող ռիսկերը

d5b6d5a5d680d5afd5a1d5b5d5a1d681d5bed5a5d5ac d5a5d5b6 d5a5d5a1d5bfd5b4 d5bfd5b6d5bfd5a5d5bdd5b8d682d5a9d5b5d5b8d682d5b6d5b6d5a5d680 605b312d41162
COVID-19 համավարակի բացասական ազդեցությունն ԵԱՏՄ երկրների տնտեսությունների վրա աստիճանաբար թուլանում է, տնտեսական աջակցության միջոցառումների ֆոնին եւ տնտեսական մի շարք ոլորտներում սահմանափակող միջոցների վերացման պայմաններում նկատվում է վերականգնում, սակայն համավարակը սրել է առանձին տարածաշրջանների, այդ թվում՝ եվրասիական, տնտեսական զարգացման կուտակված շատ խնդիրներ:

Այս մասին RBC-ի համար հոդվածում գրել է Եվրասիական տնտեսական հանձնաժողովի (ԵՏՀ) կոլեգիայի նախագահ Միխայիլ Մյասնիկովիչը:

ԵԱՏՄ-ում արդեն իսկ առկա խնդիրները վատթարացնում են տնտեսությունների երկարաժամկետ հեռանկարները, նախազգուշացնում է Մյասնիկովիչը: «Պետք է ընդունել, որ նախորդ տարիներին մեր երկրներում խնայողություններն արդյունավետորեն չեն վերափոխվել ներդրումների ու նորարարությունների, որոնք անհրաժեշտ են տնտեսական ներուժը մեծացնելու համար»,- նշել է նա:

Տնտեսական աճի զարգացմանը սպառնում է տնտեսություններին տրամադրվող պետական աջակցության համեմատաբար ցածր մակարդակը: Բարձր արդյունավետություն ունեցող տնտեսություններով երկրներն աննախադեպ օժանդակություն են ցուցաբերել բնակչությանը եւ տնտեսություններին, պետական աջակցության այս միջոցները պահանջարկ կունենան ոչ միայն 2020 թվականին, այլեւ արդյունավետ կլինեն հետագայում:

Բացի այդ, պետք է հաշվի առնել եվրասիական հնգյակում բնակչության եկամուտների հետ կապված իրավիճակը, ինչը թույլ չի տալիս ներքին սպառման զգալի աճ, շարունակում է Մյասնիկովիչը. «Սա նշանակում է, որ ԵԱՏՄ-ն կարող է բախվել ավելի մեծ մրցակցության ապրանքային շուկաներում, քան կար ճգնաժամից առաջ»:

Այս պայմաններում ԵԱՏՄ երկրները պետք է հասկանան լայնածավալ ազդակի հետեւանքները Արեւմուտքի դրամավարկային քաղաքականության աննախադեպ միջոցներից, սերտորեն համակարգեն մեր երկրների մոնետար եւ ֆինանսական քաղաքականությունները, աշխատեն «փոխկապակցված»,- նշել է Մյասնիկովիչը:

«Մեզ մոտ դա դեռեւս այնքան էլ լավ չի ստացվում»,- նկատել է նա: Մյասնիկովիչը համոզված է նաեւ, որ ԵԱՏՄ երկրները պետք է ուշադրություն դարձնեն նորարարական արտադրության մեջ լրացուցիչ ներդրումներ ներգրավելու խնդիրներին եւ համակարգված քաղաքականություն վարեն ԵԱՏՄ ֆինանսական շուկայի զարգացման ուղղությամբ, առեւտրային քաղաքականության մեջ պետք է ձեռնարկվեն գործնական քայլեր՝ Մեծ Եվրասիայում ընդհանուր տնտեսական տարածք ձեւավորելու համար: Մեկ այլ հեռանկարային ոլորտ է ԵԱՏՄ-ի ինտեգրումը Չինաստանի տնտեսական եւ ենթակառուցվածքային «Մեկ գոտի, մեկ ճանապարհ» նախաձեռնությանը:

Աղբյուրը՝ Banks.am