Cryptocurrency Prices by Coinlib

Փաուել․ Թվային դոլարը պետք է ստանա Կոնգրեսի լիակատար աջակցությունը

d683d5a1d5b8d682d5a5d5ace280a4 d5a9d5bed5a1d5b5d5abd5b6 d5a4d5b8d5acd5a1d680d5a8 d5bad5a5d5bfd684 d5a7 d5bdd5bfd5a1d5b6d5a1 d5afd5b8 6059df97713ac
ԱՄՆ Կենտրոնական բանկի գործառույթներն իրականացնող Դաշնային պահուստային համակարգի (FRS) նախագահ Ջերոմ Փաուելը (Jerome Powell) հայտարարել է, որ ԿԲ-ն ակտիվորեն ուսումնասիրում է ամբողջությամբ թվային դոլար ստեղծելու հնարավորությունը, սակայն այդպիսի քայլը հնարավոր է միայն Կոնգրեսի լիակատար աջակցության դեպքում։

Թվային դոլարը գործարկելու համար «մեզ անհրաժեշտ է Կոնգրեսի, նախագահի վարչակազմի եւ լայն հասարակության հավանությունը»,- ասել է Փաուելը:

«Ամենակարեւորը՝ մենք չենք գնա այդ քայլին առանց Կոնգրեսի աջակցության, եւ կարծում եմ, կատարյալ սցենարը կլիներ համապատասխան օրենսդրության ընդունումը, որպեսզի այս նախագիծը կյանքի կոչելու համար ստիպված չլինենք ինքնուրույն մեկնաբանել գործող օրենքները»,- Փաուելի խոսքերն է մեջբերում Prime գործակալությունը։

Փաուելի ելույթը կայացել է Միջազգային հաշվարկների բանկի կողմից կազմակերպված եւ Կենտրոնական բանկերի համար թվային նորարարություններին նվիրված վիրտուալ միջոցառման ժամանակ:

FRS-ի նախագահը կրկին անգամ ընդգծել է, որ ԱՄՆ Կենտրոնական բանկը գործընթացի սկզբնական փուլում է եւ ուսումնասիրում է, թե ինչպիսին կարող է լինել թվային դոլարը, ու մտադիր չէ խաթարել մասնավոր ֆինանսական հատվածի գործունեությունը:

Բացի այդ, նա հասկացրել է, որ կարգավորիչի հետաքրքրությունը թվային արժույթով պայմանավորված չէ մասնավոր՝ բիթքոինի նման նախագծերի ժողովրդականության բարձրացմամբ: Մասնավոր կրիպտոարժույթների շատ կողմնակիցներ դրանք դիտարկում են որպես պետության կողմից առաջարկվող ակտիվների այլընտրանք, սակայն Փաուելը կարծում է, որ դրանք դեռ ի վիճակի չեն լուծել այդ խնդիրը:

Աղբյուրը՝ Banks.am