Cryptocurrency Prices by Coinlib

Ես հավատում եմ ուժերիս և կարող եմ Օլիմպիական խաղերի չեմպիոն դառնալ. Վազգեն Թևանյան

d5a5d5bd d5b0d5a1d5bed5a1d5bfd5b8d682d5b4 d5a5d5b4 d5b8d682d5aad5a5d680d5abd5bd d687 d5afd5a1d680d5b8d5b2 d5a5d5b4 d685d5acd5abd5b4d5ba 605a25a3b74c9

Հայաստանի ազատ ոճի ըմբշամարտի հավաքականի անդամ Վազգեն Թևանյանը Տոկիոյի Օլիմպիական խաղերից առավելագույնն է ակնկալում:

«Արմենպրես»-ի մամուլի կենտրոնում առցանց հանդիպման ընթացքում Թևանյանը մասնավորապես ասաց. «Մենք լավ նախապատրաստվել էինք և մրցաշարին մասնակցում էինք հաղթանակի ներքին համոզմամբ: Նպատակը վարկանիշ ձեռք բերելն էր: Մեր ուժերի նկատմամբ վստահություն էր, որ օգնեց նվաճելու ՕԽ քվոտան: Ադրբեջանցու հետ գոտեմարտից մեկ օր առաջ մի քիչ լարված էի, սակայն գոտեմարտի օրը ինձ հաջողվեց մեջիցս հանել այդ լարվածությունը»:

Անդրադառնալով Օլիմպիական խաղերին, Թևանյանը շեշտեց, որ մինչ խաղերի մեկնարկը դեռ ժամանակ կա, և հնարավորություն` լավ նախապատրաստվելու: «Ես հավատում եմ ուժերիս և կարծում եմ կարող եմ Օլիմպիական խաղերի չեմպիոն դառնալ: Իմ հանգստություն մրցագորտում գալիս է ներքին վստահությունից, իսկ վստահությունը` լավ աշխատանքից»,-առանձնացրեց մարզիկը:

2020 թվականի մարտի 24-ին հայտնի դարձավ, որ Տոկիոյի 32-րդ ամառային Օլիմպիական խաղերը հետաձգվել են: Օլիմպիական խաղերը կպահպանեն իրենց անվանումը` Տոկիո-2020: Դրանք կմեկնարկեն 2021 թվականի հուլիսի 23-ին և կեզրափակվեն օգոստոսի 8-ին: