Cryptocurrency Prices by Coinlib

Արսենը և Վազգենը լուրջ հայտ ներկայացրեցին Տոկիոյի Օլիմպիական խաղերի մեդալների համար. Կուրղինյան

d5a1d680d5bdd5a5d5b6d5a8 d687 d5bed5a1d5a6d5a3d5a5d5b6d5a8 d5acd5b8d682d680d5bb d5b0d5a1d5b5d5bf d5b6d5a5d680d5afd5a1d5b5d5a1d681d680 605a0adf0d03c

Հայաստանի ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանի կարծիքով 57 կգ և 65 կգ քաշային կարգերում հայ մարզիկները լուրջ հայտ են ներկայացրել Օլիմպիական խաղերի մեդալների համար:

«Արմենպրես»-ի մամուլի կենտրոնում առցանց հանդիպման ընթացքում Կուրղինյանը մասնավորապես շեշտեց. «Մենք Բուդապեշտի վարկանիշայի մրցաշարում մասնակից ունեինք 4 քաշային կարգերում, բայց ուղեգիր նվաճեցինք 57 և 65 կգ քաշերում: Արսեն Հարությունյանը և Վազգեն Թևանյանը շատ լավ հանդես եկան և դարձան մրցաշարի հաղթող: Արսենը և Վազգենը լուրջ հայտ ներկայացրեցին Տոկիոյի ՕԽ-ի մեդալների համար: Մենք ունենք ևս մեկ վարկանիշային մրցաշար մայիսի և դա նշանակում է, որ դեռևս էլի ուղեգրի հնարավորություն ունենք»:

Մարզչի խոսքով` երկու մարզիկներից սպասելիքները մեծ էր մինչ մրցաշարը և նրանց գոտեմարտերը ցույց տվեցին ակնկալվող որակը: «Ինչպես Ըմբշամարտի միջազգային ֆեդերացիայի մամուլի ծառայությունն իր անդրադարձում գրել էր, նրանք նոր ծագող աստղեր են իրենց քաշային կարգերում»,-շեշտեց նա:

Մասնագետի կարծիքով՝ նմանատիպ հաջողությանը նպաստեց նաև այն հանգամանքը, որ հավաքական թիմի հետ սկսել են հոգեբաններ աշխատել: «Եթե մեզ նորից հարցնեն, ապա մենք կցանկանանք, որ հոգեբանները շարունակեն աշխատանքը մեր մարզիկների հետ»,-ասաց նա:

Կուրղինյանը շեշտեց, որ համավարակով և պատերազմով պայմանավորված մարզիկները մեծ դժվարությունների մեջով են անցնել: Անդրադառնալով Հաջիմուրդ Գացալովին գլխավոր մարզիչը փաստեց, որ ըմբիշը վնասվածք ունի, իսկ Լևան Բերյանիձեն հնարավոր է կմասնակցի մայիսին կայանալիք ՕԽ վարկանիշային վերջին մրցաշարին:

Ազատ ոճի ըմբշամարտի հավաքականը ապրիլին կմասնակցի Եվրոպայի առաջնությանը, իսկ մայիսին Սոֆիայում կայանալիք ՕԽ վարկանիշային մրցաշարին: