Cryptocurrency Prices by Coinlib

Շահագործվել է Արմսվիսբանկի եւ «Ադակո»-ի համատեղ նվիրաբերված բիոգազի կայանը

d5b7d5a1d5b0d5a1d5a3d5b8d680d5aed5bed5a5d5ac d5a7 d5a1d680d5b4d5bdd5bed5abd5bdd5a2d5a1d5b6d5afd5ab d5a5d682 d5a1d5a4d5a1d5afd5b8 605053241fea6
Արմսվիսբանկը, Հայաստանում վերականգնվող էներգիայի ոլորտի զարգացման, ինչպես նաեւ «resource efficient» ներդրումաների խթանման իր քաղաքականության շրջանակում, նախաձեռնել է երկու բիոգազի կայանների տեղադրման նախագծեր Շիրակի մարզում:

Ինչպես նշել են բանկում, առաջին կայանը, որը համատեղ ներդրվել է Ադակո ընկերության հետ, շահագործման է հանձնվել Շիրակի մարզի Ազատան գյուղում եւ նվիրաբերվել է Գասպարյանների ընտանիքին: Նվիրաբերությունն իրականացվել է բանկի եւ Շիրակի մարզպետարանի համագործակցության շրջանակում։ Երկրորդ կայանի մասին հավելյալ կտեղեկացվի։

Տեղադրված բիոգազի կայանը ունի 5մ3 աշխատանքային ծավալ, որը կարող է արտադրել տարեկան մինչեւ 1,200մ3 բիոգազ: Բացի այդ, այն ապահովում է նաեւ տարեկան 5 տոննա էկոլոգիապես մաքուր բնական պարարտանյութ:

«Ընտրված երկու տնային տնտեսություններից Գասպարյանների ընտանիքում շահագործման հանձնված կայանը դեռեւս առաջինն է: Բիոգազի կայանի տեղադրման նախագիծը բազմակողմ կորպորատիվ սոցիալական պատասխանատվության լավագույն օրինակներից է, որը գյուղատնտեսական ոլորտում գործունեություն ծավալող տնտեսվարողների եւ տնային տնտեսությունների համար կարող է լավ նախադեպ հանդիսանալ իրենց գործունեության ոլորտում էներգախնայող ներդրումներ իրականացնելու համար: Միաժամանակ, բանկի եւ Ադակո ընկերության հաջող համագործակցությունն ընդլայնելու եւ բիոգազի արտադրության կազմակերպումը ՀՀ-ում խթանելու համար  այժմ մշակվում են նպաստավոր պայմաններով թիրախային պրոդուկտների։

Հատկանշական է նաեւ, որ ՀՀ-ում առկա է բիոգազի արտադրության չիրացված հսկայական պոտենցիալ եւ հատկապես չգազաֆիկացված համայնքներում բիոգազի արտադրությունը կապահովի մատչելի պայմաններով գազ ու էներգիա»,- ասված է հաղորդագրության մեջ:

Բիոգազի արտադրությունն այլընտրանքային էներգիայի աղբյուր է եւ հանդիսանում է ոչ միայն էկոլոգիապես մաքուր, այլ նաեւ օպտիմալ եւ շահավետ լուծում գյուղատնտեսական ցանկացած տնտեսության համար, ընձեռելով տնտեսությանը լինել անկախ էներգետիկ ռեսուրսներից եւ բարձրակարգ պարարտանյութի շնորհիվ ստանալ իրական էկոլոգիապես մաքուր արտադրանք:

«ԱԴԱԿՈ» ՍՊԸ-ն 2015 թվականից ի վեր իրագործել է տեխնոլոգիական վերազինման բազմաթիվ հաջողված նախագծեր ոչ միայն Հայաստանում, այլ նաեւ ԱՊՀ մի շարք երկրներում։ Ի լրումն գյուղատնտեսական լուծումների մշակման, Ադակո ընկերության թիմը մասնագիտացված է նաեւ բիոգազի արտադրության կազմակերպման բնագավառում։

Աղբյուրը՝ Banks.am