Cryptocurrency Prices by Coinlib

«Հայփոստ»-ը ստացել է Էլեկտրոնային փող թողարկելու եւ սպասարկելու թույլտվություն

d5b0d5a1d5b5d683d5b8d5bdd5bf d5a8 d5bdd5bfd5a1d681d5a5d5ac d5a7 d5a7d5acd5a5d5afd5bfd680d5b8d5b6d5a1d5b5d5abd5b6 d683d5b8d5b2 605089063fa56
«Հայփոստ» ՓԲԸ-ն հայտարարում է, որ ՀՀ Կենտրոնական բանկի խորհրդի որոշմամբ ընկերությունը 2021թ. մարտի 11-ին ստացել է Էլեկտրոնային փող թողարկելու եւ սպասարկելու թույլտվություն:

Ինչպես նշել են ընկերությունում, այժմ նախատեսվում է բոլոր փոստային բաժանմունքներում կենսաթոշակների վճարումներն իրականացնել նաեւ անկանխիկ եղանակով՝ էլեկտրոնային դրամապանակով:

Ծառայությունից օգտվելու համար կենսաթոշակառուն պարզապես պետք է անձը հաստատող փաստաթղթով (անձնագիր/ID քարտ) մոտենա «Հայփոստ»-ի՝ իր հասցեն սպասարկող փոստային բաժանմունք:

«Ուրախ ենք, որ «Հայփոստ»-ը եւս մեկ նորարությամբ է հանդես գալիս: Այս ծրագիրը ստեղծելիս մեզ համար կարեւոր սկզբունք է եղել, որ կենսաթոշակառուն շարունակի սպասարկվել առավել հարմար եղանակով, եւ այժմ կենսաթոշակառուի կողմից լրացուցիչ գործողություններ իրականացնելու անհրաժեշտություն չկա»,- նշում է «Հայփոստ» ՓԲԸ-ի գլխավոր տնօրեն Հայկ Կարապետյանը:

«Կենսաթոշակառուն իր՝ «Հայփոստ» դրամապանակի հաշվից գումարի կանխիկացման գործարքները կատարելու է առանց միջնորդավճարի: Էլեկտրոնային դրամապանակով սպասարկումը հնարավորություն է տալիս կենսաթոշակների վճարումը շարունակել իրականացնել նաեւ փոստատարների կողմից հասցեական առաքման միջոցով»,- նշված է հաղորդագրության մեջ:

Աղբյուրը՝ Banks.am