Cryptocurrency Prices by Coinlib

«Կան բաներ, որ հնարավոր չէ բացատրել»․ Զիդանը՝ Ազարի մասին

d5afd5a1d5b6 d5a2d5a1d5b6d5a5d680 d5b8d680 d5b0d5b6d5a1d680d5a1d5bed5b8d680 d5b9d5a7 d5a2d5a1d681d5a1d5bfd680d5a5d5ace280a4 6050cf26bbca9

Մադրիդի «Ռեալի» գլխավոր մարզիչ Զինեդին Զիդանը խոսել է կիսապաշտպան Էդեն Ազարի մասին, ով ևս մեկ վնասվածք է ստացել:

«Նա չի կարողանա խաղալ «Ատալանտայի» հետ: Մոտ ապագայում մենք կհասկանանք, թե որքան ժամանակ է նա բացակայելու: Կան բաներ, որոնք ես չեմ կարող բացատրել:

Երկրպագուներին խնդրում եմ սպասել Ազարին: Մենք գիտենք, թե ով է այս խաղացողը: Երկրպագուները ցանկանում են տեսնել Էդեն Ազարի խաղը, ինչպես ակումբը, մարզիչները և թիմակիցները: Պետք է համբերատար լինել և սպասել»:

Վնասվածքի պատճառով Ազարի հոգեբանական խնդիրների մասին

«Ինչ-որ բան տեղի է ունենում: Նա իր կարիերայի ընթացքում վնասվածք չի ստացել, դա նրա համար նոր իրավիճակ է: Ես չեմ կարող դա բացատրել: Բոլորս ուզում ենք օգնել նրան: Հուսով եմ, որ նա շուտով կվերադառնա մեզ մոտ»,- ասել է Զիդանը:

Ավելի վաղ հայտնի էր դարձել, որ բելգիացին վնասել է մկանն ու դուրս մնացել մոտ մեկ ամիս: Մադրիդի «Ռեալում» ամբողջ ժամանակ Ազարն արդեն բաց է թողել 320 օր՝ հաշվի առնելով անցած աշնանը ստացած վնասվածքներն ու կորոնավիրուսը:

Լավագույն դեպքում Ազարը կապաքինվի մինչ ապրիլի 11-ը, երբ կկայանա «Բարսելոնայի» դեմ խաղը:

Սիրարփի Աղաբաբյան