Cryptocurrency Prices by Coinlib

Երևանում գողացել են նավակով տղայի բրոնզե արձանը

d5a5d680d687d5a1d5b6d5b8d682d5b4 d5a3d5b8d5b2d5a1d681d5a5d5ac d5a5d5b6 d5b6d5a1d5bed5a1d5afd5b8d5be d5bfd5b2d5a1d5b5d5ab d5a2d680d5b8 604f5f9aa70c1

Ոստիկանությունում նյութեր են պատրաստում դեպքի բոլոր հանգամանքները պարզելու համար։

ԵՐԵՎԱՆ, 15 մարտի – Sputnik. Անհայտ անձինք Երևանի 2800-ամյակի այգուց գողացել են նավակով տղայի բրոնզե արձանը։ Տեղեկությունը Sputnik Արմենիայի հետ զրույցում հաստատեցին ոստիկանությունից։

«Հաղորդումը ստացել ենք մարտի 14-ին։ Հայտնի է, որ նույն օրը` 13։40-ից 14։10-ի սահմանում գողացել են տղայի արձանն ու շինհրապարակի գործիքները»,– ասացին ոստիկանությունից։

Այժմ նյութեր են պատրաստում դեպքի բոլոր հանգամանքները պարզելու համար։

Հիշեցնենք` Երևանի 2800–ամյակին նվիրված այգու հանդիսավոր բացումը կայացավ 2019 թվականի մայիսի 10-ին։ Բացման մասնակցեցին ՀՀ վարչապետ Նիկոլ Փաշինյանն ու Երևանի քաղաքապետ Հայկ Մարությանը։

Այգին վերանորոգվել և ամբողջությամբ վերակառուցվել էր Վարդանյան ընտանիքի ֆինանսավորմամբ։ Աշխատանքների վրա ծախսվել էր 5,3 միլիոն դոլար։

Այգում տեղադրված են 2800 շատրվան, 7 բրոնզե հուշարձան։ Այն զարդարված է հին հայկական գորգերի նախշերով և 70 տեսակի 250 ծառերով։ Վարդանյանների ընտանիքը 99 տարի հոգալու է այգու վերանորոգման աշխատանքների և խնամքի հետ կապված բոլոր ծախսերը։

Բացումից մի քանի օր անց նավակով տղայի արձանը վնասվեց։ «Վարդանյան ընտանիք» բարեգործական հիմնադրամն ապամոնտաժեց այն, վերականգնեց ու վերադարձրեց այգի։