Cryptocurrency Prices by Coinlib

Երեւանի 135 հասցեներում արդեն 400 թափոնաման է տեղադրված

d5a5d680d5a5d682d5a1d5b6d5ab 135 d5b0d5a1d5bdd681d5a5d5b6d5a5d680d5b8d682d5b4 d5a1d680d5a4d5a5d5b6 400 d5a9d5a1d683d5b8d5b6d5a1d5b4d5a1 604f53c466778
Երեւանի 135 հասցեներում արդեն ավելի քան 400 թափոնաման կա տեղադրված: Մայրաքաղաքում թափոնների տեսակավորման փորձնական ծրագիրն ընդգրկում է վարչական բոլոր շրջանները:

Որպեսզի քաղաքացիների համար հեշտ լինի տեսակավորման գործընթացը, ընտրվել են հատուկ գույներով աղբամաններ. դեղինը թղթի համար է, մոխրագույնը՝ ապակու, կապույտը՝ պլաստիկի:

«Երեւանում կան խնդրահարույց հասցեներ, որտեղ թափոնամանների մեջ կամ կենցաղային աղբ է կուտակվում, կամ տեսակավորումն, ըստ էության, չի ապահովվում: Շատ կարեւոր է իմանալ նաեւ թե ապակու, թղթի ու պլաստիկի որ տեսակները չեն վերամշակվում: Համայնքային կազմակերպության թափոնների տեսակավորման վարչությունը բնակիչների հետ մշտական կապ է պահում՝ իրազեկելով նորամուծության նրբությունների մասին։ Տեսակավորված թափոնները աղբամաններից տեղափոխվում են հատուկ տեխնիկայով»,- հայտնում են քաղաքապետարանից:

Համայնքն աշխատում է չորս տնտեսվարողների հետ, իսկ գործարաններն ու արտադրամասերն ընտրվել են մրցութային կարգով:

«Աճուրդով ձեւավորված գնով իրենց ենք հանձնում թափոնները՝ թուղթը, ստվարաթուղթը, ապակին եւ պլաստիկը: Այդ վաճառքից ստացված միջոցներով իրականացնում ենք տարբեր «կանաչ» ծրագրեր, կանաչ գոտիների ընդլայնում: Թափոնների տեսակավորումից ստացված բոլոր միջոցներն ուղղվելու են «կանաչ» ծրագրերի իրականացմանը»,- նշել է «Կանաչապատում եւ շրջակա միջավայրի պահպանություն» ՀՈԱԿ-ի տնօրեն Արա Աղայանը:

Աղբյուրը՝ Banks.am