Cryptocurrency Prices by Coinlib

Դի Մարիայի և Մարկինիոսի ընտանիքները պատանդ են պահվել ՊՍԺ-ի խաղի ընթացքում

d5a4d5ab d5b4d5a1d680d5abd5a1d5b5d5ab d687 d5b4d5a1d680d5afd5abd5b6d5abd5b8d5bdd5ab d5a8d5b6d5bfd5a1d5b6d5abd684d5b6d5a5d680d5a8 d5ba 604fd22e4e630

ՊՍԺ-ի կիսապաշտպան Անխել Դի Մարիայի տունը թալանել են Լիգա 1-ի «Նանտի» դեմ տնային խաղի ժամանակ։ Այս ընթացքում արգենտինական ընտանիքը պատանդ էր պահվում, հայտնում է ESPN-ն:

Խաղի 62-րդ րոպեին կիսապաշտպանը փոխարինվեց այն բանից հետո, երբ փարիզյան մարզական տնօրեն Լեոնարդոն կատարվածի մասին տեղեկացրեց գլխավոր մարզիչ Մաուրիսիո Պոչետինոյին: Մարզադաշտը լքելուց հետո Դի Մարիան շտապ տուն գնաց իր ընտանիքի մոտ:

Աղբյուրի համաձայն, խաղի ընթացքում թալանել են նաև ՊՍԺ-ի պաշտպան Մարկինիոսի ծնողների տունը, նրանք նույնպես պատանդ են եղել: Բրազիլացին խաղացել է բոլոր 90 րոպեները:

Ոստիկանությունը սկսել է հետաքննել երկու միջադեպերը:

Ավելի վաղ Դի Մարիայի տունը Մանչեսթերում թալանել էին 2015 թվականին, երբ նա խաղում էր «Մանչեսթեր Յունայթեդում»:

Օրերս խաղացողը երկարաձգեց պայմանագիրը ՊՍԺ-ի հետ՝ «1+1» սխեմայի համաձայն:

ՊՍԺ-ի ֆուտբոլիստները վերջին շրջանում հաճախ են գողերի զոհ դառնում։ Տարվա սկզբին նրանք թալանել են Մաուրո Իկարդիի տունը (գողացել են ժամացույցներ, զարդեր և մոտ 400 հազար եվրո արժողությամբ հագուստ), մինչ այդ Էրիկ-Մաքսիմ Չուպո-Մոտինգինը, Սերխիո Ռիկոնինը և Տիագոն Սիլվայինը:

Սիրարփի Աղաբաբյան