Cryptocurrency Prices by Coinlib

«Յանդեքս»-ը պատրաստվում է բանկ գնել

d5b5d5a1d5b6d5a4d5a5d684d5bd d5a8 d5bad5a1d5bfd680d5a1d5bdd5bfd5bed5b8d682d5b4 d5a7 d5a2d5a1d5b6d5af d5a3d5b6d5a5d5ac 604dc9c61db72
Օլեգ Տինկովի հետ գործարքի ձախողումից հետո «Յանդեքս»-ը որոշել է սեփական բանկ գնել․ ընկերությունը բանակցություններ է վարում ոչ մեծ «Ակրոպոլ» բանկի ձեռքբերման շուրջ։

Ինչպես հաղորդում է The Bell-ը՝ վկայակոչելով սեփական աղբյուրները, գործարքն արդեն գտնվում է due diligence-ի փուլում, եւ մոտակա օրերին ընկերությունն ու բանկը պատրաստվում են առքուվաճառքի պայմանագիր կնքել։   

«Ակրոպոլ» բանկի սեփականատեր Եվգենի Դավիդովիչը հրաժարվել է մեկնաբանություններից: Իսկ «Յանդեքս»-ի ներկայացուցիչը տեղեկացրել է The Bell-ին, որ ընկերությանը «հետաքրքրում է բանկային լիցենզիայի ստացումը»։ «Մենք դիտարկում ենք հնարավոր բոլոր տարբերակները»,- հավելել է նա:

Կողմերը չեն բացահայտում հնարավոր գործարքի գումարը: Այսօրվա դրությամբ «Ակրոպոլ» բանկի կապիտալը 1 մլրդ ռուբլուց մի փոքր ավել է: Բանկի ակտիվները գնահատվում են 1,24 մլրդ ռուբլի: 2020թ․ արդյունքներով բանկը 82 մլն ռուբլու վնաս է կրել:

Զրուցակիցներից մեկի խոսքով՝ իրականում Yandex-ը գնում է ոչ թե լիարժեք բանկ, այլ բանկային լիցենզիա: Ընկերությունը չի նախատեսում մասնաճյուղեր բացել կամ վարկեր տրամադրել:

«Ընկերությունը «վառվել է» Օլեգ Տինկովի հետ գործարքի վրա եւ սկզբունքային որոշում է ընդունել ինքնուրույն զարգացնել ֆինտեխը։ Դրա համար իրեն գործնականում դատարկ լիցենզիա է անհրաժեշտ»,- ասել է մեկ այլ աղբյուր։

Փետրվարին նմանատիպ գործարք էր կնքել Wildberries առցանց ռիթեյլերի հիմնական սեփականատեր Տատյանա Բակալչուկը՝ դառնալով «Ստանդարտ-կրեդիտ» բանկի 100% բաժնետոմսերի սեփականատեր։

Դեռեւս պարզ չէ, թե ինչ է անելու «Յանդեքս»-ը «Ակրոպոլ» բանկը գնելուց հետո. «ընկերությունը չունի պատրաստի թիմ, որն ի վիճակի է զրոյից զարգացնել սեփական ֆինտեխը»,- ասել է բանկային շուկայում The Bell-ի մեկ այլ աղբյուր:

Banks.am-ը հիշեցնում է, որ օրերս «Յանդեքս»-ը հայտարարել էր Yandex Pay անկանխիկ վճարումների ծառայության գործարկման մասին․ այսուհետ այն կարող է օգտագործվել հաշվարկների համար «Յանդեքս»-ում օգտահաշիվներ ունեցողների եւ համացանցում բիզնեսով զբաղվող ընկերությունների կողմից:

««Յանդեքս»-ի ծառայություններում վաղուց էր հնարավոր վճարել պատվերների համար: Երբ մարդիկ սնունդ կամ տաքսի են պատվիրում, նրանք օգտագործում են «Յանդեքս»-ի տեխնոլոգիաները, որոնք արդեն ստուգվել են ժամանակի ընթացքում: Հիմա մենք պատրաստ ենք շուկայի մյուս մասնակիցներին եւս առաջարկել այս մշակումը: Ցանկացած ընկերություն կարող է իր կայքում տեղադրել Yandex Pay կոճակը»,- պարզաբանել էր ծառայության ղեկավար Ալեքսանդր Գոլովինը:

Աղբյուրը՝ Banks.am