Cryptocurrency Prices by Coinlib

Facebook-ը կթույլատրի մոնետիզացնել կարճ տեսանյութերը

facebook d5a8 d5afd5a9d5b8d682d5b5d5acd5a1d5bfd680d5ab d5b4d5b8d5b6d5a5d5bfd5abd5a6d5a1d681d5b6d5a5d5ac d5afd5a1d680d5b3 d5bfd5a5d5bdd5a1 604b2735e3091
Facebook-ը նախատեսում է հնարավորություն ընձեռել օգտատերերին գումար վաստակել իրենց հրապարակած կարճ տեսանյութերում տեղադրված գովազդից, հաղորդում է ՏԱՍՍ-ը:

«Այժմ կենտրոնացած ենք կարճ տեսանյութերում մոնետիզացիայի համակարգի ներդրման ուղղությամբ, որը մենք կսկսենք փորձարկել առաջիկա շաբաթների ընթացքում: Մենք նաեւ հնարավորություն կտանք գովազդ տեղադրել սթորիներում»,- հայտնել է Facebook-ի պրոդուկտների գծով մենեջեր Յոավ Արնշտեյնը:

Մեկ րոպե տեւողությամբ տեսանյութում հնարավոր կլինի տեղադրել գովազդային հայտարարություններ, որոնց ընդհանուր տեւողությունը չի գերազանցի 30 վայրկյանը: Երեք րոպեից ավելի տեսանյութերի համար գովազդի ընդհանուր տեւողությունը չպետք է գերազանցի 45 վայրկյանը: Միաժամանակ, ընկերությունում նշել են, որ գովազդը չի խանգարի կոնտենտի դիտմանը:

Օգտատերերի նկատմամբ պահանջները մնում են նույնը: Նրանք պարտավոր են տեսանյութերը հրապարակել ոչ թե անձնական պրոֆիլից, այլ գրանցված էջից, ինչպես նաեւ լինեն առնվազն 18 տարեկան, նշել է Արնշտեյնը:

Աղբյուրը՝ Banks.am