Cryptocurrency Prices by Coinlib

Գյումրիում իրենց տան մեջ դանակահարել են ամուսինների

d5a3d5b5d5b8d682d5b4d680d5abd5b8d682d5b4 d5abd680d5a5d5b6d681 d5bfd5a1d5b6 d5b4d5a5d5bb d5a4d5a1d5b6d5a1d5afd5a1d5b0d5a1d680d5a5d5ac 604b4ece4c3a0
Պատահարներ

Ստանալ կարճ հղումը

11310

Ամուսինը հիմա Գյումրիի բժշկական կենտրոնում է, իսկ կնոջը հարկ է եղել տեղափոխել Երևան։

ԵՐԵՎԱՆ, 12 մարտի — Sputnik. Երեկ`մարտի 11–ի ուշ երեկոյան դանակահարություն է տեղի ունեցել Գյումրիում: Տեղեկությունը հայտնում է Sputnik Արմենիայի թղթակիցը։

Իրենց իսկ բնակարանում դանակահարել են Անի թաղամասում գործող սրճարաններից մեկի սեփականատիրոջ որդուն ու հարսին։ Նրանց սկզբում տեղափոխել են Գյումրի բժշկական կենտրոն:

Շիրակի մարզի դատախազ Գուրգեն Գրիգորյանը Sputnik Արմենիային տեղեկացրեց, որ դեպքի առթիվ հարուցվել է քրգործ՝ ՀՀ Քրեական օրենսգրքի 112 հոդվածի 1-ին մասով (Դիտավորությամբ առողջությանը ծանր վնաս պատճառելը), որոշում է կայացվել անձին տուժող ճանաչելու մասին։

«Այս պահին դեռ կասկածյալ չկա։ Կատարվում են անհետաձգելի քննչական և դատավարական գործողություններ, ձեռնարկվում են օպերատիվ հետախուզական միջոցառումներ»,- ասեց դատախազը։

Նշենք, որ ամուսինը Գյումրի բժշկական կենտրոն է տեղափոխվել որովայնի ու կրծքավանդակ կտրած-ծակած, թափանցող վերքերով։ Նա վիրահատության է ենթարկվել, գտնվում է վիրաբուժական բաժանմունքում, վիճակը կայուն է։ Կինը՝ ծնված 1986 թվականին, հիվանդանոց է տեղափոխվել ձախ վերին վերջույթի բազմակի կտրած ծակած վերքերով, երկրորդ-երրորդ մատների ծալիչ ջլերի վնասմամբ։ Կնոջն ավելի ուշ տեղափոխել են մայրաքաղաք: