Cryptocurrency Prices by Coinlib

Փաշինյանը խոսել է «Հայաստանը նորովի կառուցելու» գործում մասնավորին ներգրավելու մասին

d683d5a1d5b7d5abd5b6d5b5d5a1d5b6d5a8 d5add5b8d5bdd5a5d5ac d5a7 d5b0d5a1d5b5d5a1d5bdd5bfd5a1d5b6d5a8 d5b6d5b8d680d5b8d5bed5ab d5af 60474ec56c94a
Վարչապետ Նիկոլ Փաշինյանն այսօր Գեղարքունիքի մարզում անցկացրած խորհրդակցության ժամանակ նշել է, որ «Հայաստանը նորովի կառուցելու մեր տեսլականը պետք է շատ ակտիվ իրագործվի»:

Նրա խոսքով՝ դա պետք է արվի ոչ միայն պետության, կառավարության, համայնքների կողմից, այլեւ  պետք է քաջալերել նաեւ մասնավորին՝ այդ կառուցման, ներդրման գործընթացին մասնակցելու:

Մարզպետ Գնել Սանոսյանը տեղեկացրել է, որ մարզում առաջնահերթություն է տրվում զբոսաշրջության, գյուղատնտեսության, էներգետիկայի ոլորտներին: Գյուղտեխնիկայի լիզինգային ծրագրերն արդյունավետ իրականացվում են, նախորդ տարի համայնքները համալրվել են 60-ից ավելի տեխնիկական միջոցներով:

Աճ է նկատվում անասնապահության ոլորտում. միայն Արծվանիստ համայնքում իրականացվում է 15 մլրդ դրամ արժողությամբ ներդրումային ծրագիր` ֆերմերային խոշոր տնտեսություն հիմնելու նպատակով:

Զեկուցվել է նաեւ, որ Համաշխարհային բանկի հետ համագործակցությամբ իրականացվում է արոտների ջրարբիացման ծրագիրը, որի շրջանակում այս տարի մարզում նախատեսվում է արոտավայրերում կառուցել 2 կմ ջրագիծ, 4 խմոցի, բարելավել ճանապարհները:

Գնել Սանոսյանը նշել է նաեւ, որ ընթացիկ տարում մեկնարկելու է Մեծ Մասրիկի ենթակայանի կառուցման շինարարությունը, նոր ծրագրերի միջոցով խթանվում է նաեւ արեւային էներգետիկայի զարգացումը:

Նիկոլ Փաշինյանը հավելել է, որ կառավարությունը շարունակելու է գյուղատնտեսության զարգացման, արդյունավետության բարձրացման թիրախային ծրագրերը, որոնք կնպաստեն վարելահողերի օգտագործման ծավալների ավելացմանը:

Աղբյուրը՝ Banks.am