Cryptocurrency Prices by Coinlib

ՈՒԵՖԱ-ն կրկին որոշել է պատժել ՊՍԺ-«Իստամբուլ» խաղի մրցավարին

d5b8d682d5a5d686d5a1 d5b6 d5afd680d5afd5abd5b6 d5b8d680d5b8d5b7d5a5d5ac d5a7 d5bad5a1d5bfd5aad5a5d5ac d5bad5bdd5aa d5abd5bdd5bfd5a1 6047b2f3b19aa

ՈւԵՖԱ-ի վերահսկիչ, էթիկայի և կարգապահական կոմիտեն (CEDB) որոշում է կայացրել այն մրցավարների նկատմամբ, որոնք աշխատել են Չեմպիոնների լիգայի՝ դեկտեմբերի 8-ին կայացած ՊՍԺ-«Իստամբուլ» խաղում:

ՈւԵՖԱ-ի էթիկայի և կարգապահության գծով սպայի հետաքննությունից հետո պահեստային մրցավար Սեբաստիան Կոլզեսկուին արգելվել է մրցավարական պարտականություններով զբաղվել մինչև ընթացիկ մրցաշրջանի ավարտը, իսկ գլխավոր մրցավարի օգնական Օկտավիան Շավրին նկատողություն է տրվել։ Երկուսն էլ կուղարկվեն ուսումնական դասընթացների:

Նման միջոցառումների պատճառը խաղի ընթացքում ոչ պատշաճ պահվածքն է: Այնուամենայնիվ, ՈՒԵՖԱ-ի կարգապահական կանոնակարգի դրույթը ռասիզմի և խտրական վարքի վերաբերյալ չի խախտվել: ՈւԵՖԱ-ն ռասիզմ չի գտել մրցավարի խոսքերում:

Հիշեցնենք, որ հանդիպումը դադարեցվեց 14-րդ րոպեին այն բանից հետո, երբ պահեստային մրցավար Սեբաստիան Կոլցեսկուն «Ստամբուլի» մարզիչ Պիեր Վեբոյի նկատմամբ օգտագործեց «սև» բառը: Ֆուտբոլիստները հրաժարվեցին շարունակել խաղը: Հանդիպումն ավարտվեց միայն հաջորդ օրը և փարիզցիների հաղթանակով՝ 5:1 հաշվով:

ProSport-ի փոխանցմամբ՝ այս դրվագի վերաբերյալ ՈՒԵՖԱ-ի հետաքննությունն ավարտվել է, և Կոլցեսկուի նկատմամբ պատժամիջոցներ չեն կիրառվի:

Հանձնաժողովը, օգտագործելով խաղի տեսանյութերը, գտել է, որ Կոլցեսկուն օգտագործում է «այս սևը» արտահայտությունը՝ օգնելու համար գլխավոր մրցավար Օվիդիու Հացեգանին՝ հայտնաբերել «Իստամբուլի» մարզչին:

Լեզվաբանական փորձաքննության համաձայն, ռումիներենում «այս սևը» ձևակերպումը չունի բացասական իմաստ կամ բացասական նշանակություն, և օգտագործված արտահայտությունը չի կարող վիրավորական անվանվել: Ավելին, «սև» բառը հաճախ օգտագործվում է հակառասիստական ​​կազմակերպությունների կողմից:

Նշվում է, որ ռումինական «negru» բառը չի կարող ընկալվել անգլերեն «negro» բառի իմաստով:

Սիրարփի Աղաբաբյան