Cryptocurrency Prices by Coinlib

Ռուսաստանում «թվային հարկի» ներդրման որոշումը կարող է ընդունվել արդեն այս տարի

d5bcd5b8d682d5bdd5a1d5bdd5bfd5a1d5b6d5b8d682d5b4 d5a9d5bed5a1d5b5d5abd5b6 d5b0d5a1d680d5afd5ab d5b6d5a5d680d5a4d680d5b4d5a1 6040d39d8e968
Ռուսաստանում գլոբալ ՏՏ ընկերությունների գործունեության համար նոր հարկի ներդրման մասին որոշումը կարող է ընդունվել մինչեւ այս տարվա կեսը:

Նման հարկի հայտնվելու հնարավորության հարցը քննարկվել է անցած շաբաթ ՌԴ փոխվարչապետ Դմիտրի Չերնիշենկոյի հետ ՏՏ ոլորտի ներկայացուցիչների հանդիպմանը, գրում է «Վեդոմոստի»-ն՝ վկայակոչելով հանդիպման մասնակիցներին:

«Նոր հարկը մի գործընթաց է, որն ընդգրկված է ոլորտի աջակցության միջոցառումների երկրորդ փաթեթում եւ որի ծածկագիր անվանումն է «Թվային հարկ»: Ենթադրվում է՝ ՌԴ տարածքում ռուսաստանցիների տվյալներն օգտագործող եւ գովազդային քաղաքականություն ձեւավորող ընկերություններից լրացուցիչ միջոցներ գանձել: Օրինակ, ցանցում օգտատիրոջ վարքագիծը վերլուծելով՝ կոնտեքստային գովազդ իրականացնելու համար»,- ասել է հանդիպման մասնակիցներից մեկը:

Հավաքված միջոցները կուղղվեն Ռուսաստանի ՏՏ ոլորտին օժանդակելուն, ասել է «Վեդոմոստի»-ի աղբյուրը:

«Թվային հարկի» հնարավոր ներդրման մասին տեղեկատվությունը հաստատել է Չերնիշենկոյի հանդիպման մեկ այլ մասնակից: Նա հավելել է, որ հանդիպման մասնակիցները քննարկել են նաեւ ԱԱՀ-ով արդեն իսկ հարկվող միջոցների վերաբաշխման հնարավորությունն արտասահմանյան կազմակերպությունների կողմից էլեկտրոնային եղանակով ծառայությունների մատուցման համար, որը հայտնի է որպես «Google-ի հարկ»: Այն կիրառվում է 2017-ից եւ տարածվում է այն թվային ընկերությունների վրա, որոնք հեռավար միջոցով Ռուսաստանում վաճառում են խաղեր, տվյալների բազաներ եւ ծրագրային այլ պրոդուկտներ:

Աղբյուրը՝ Banks.am