Cryptocurrency Prices by Coinlib

Գործարարներիը կիրազեկվեն հակակոռուպցիոն համապատասխանության մասին

d5a3d5b8d680d5aed5a1d680d5a1d680d5b6d5a5d680d5abd5a8 d5afd5abd680d5a1d5a6d5a5d5afd5bed5a5d5b6 d5b0d5a1d5afd5a1d5afd5b8d5bcd5b8d682d5ba 6040ef2d4698e
Մարտի 4-ին ՀՀ էկոնոմիկայի նախարարության եւ «Կորպորատիվ Կառավարման Կենտրոն» հիմնադրամի միջեւ ստորագրվել է մտադրությունների մասին հուշագիր։

Հուշագիրը ստորագրել են ՀՀ էկոնոմիկայի նախարար Վահան Քերոբյանը եւ «Կորպորատիվ Կառավարման Կենտրոն» հիմնադրամի տնօրեն Նարինե Մելիքյանը։

Հուշագրի նպատակն է համատեղ ջանքերով նպաստել Հայաստանի գործարար հատվածում հակակոռուպցիոն համապատասխանության պահանջների ընդունմանը, խթանել «պետություն եւ գործարար համայնք» համագործակցությունը հակակոռուպցիոն համապատասխանության ապահովման հարցերում։

Հուշագրով կողմերը պարտավորվում են աջակցել Հայաստանի գործարար համայնքին հակակոռուպցիոն համապատասխանության պահանջների ընկալման հարցում։ Այդ նպատակով համատեղ կկազմակերպվեն գործարար համայնքի ներկայացուցիչների իրազեկվածության բարձրացմանը միտված միջոցառումներ (դասընթացներ, սեմինարներ, կլոր սեղաններ, համաժողովներ եւ այլն)։

Կորպորատիվ կառավարման կենտրոնի կողմից գործարար համայնքի ներկայացուցիչները կստանան անվճար  խորհրդատվական աջակցություն հակակոռուպցիոն համապատասխանության վերաբերյալ, իսկ Բիզնեսի բարեվարքության ակումբի միջոցով կխթանվի հակակոռուպցիոն հավաքական նախաձեռնությունների զարգացումը Հայաստանում։

Կիրականացվեն նաեւ այլ գործողություններ եւ միջոցառումներ, որոնք միտված կլինեն Հայաստանի գործարար համայնքում հակակոռուպցիոն համապատասխանության պահանջների ընդունմանը։

«Էկոնոմիկայի նախարարությունը եւ Կորպորատիվ կառավարման կենտրոնը՝ ստորագրելով այս հուշագիրը,  մեկտեղում են ջանքերը, որպեսզի միասին ապահովեն բարեվարքության կանոնների լայն տարածումը  եւ հակակոռուպցիոն համապատասխանության ընկալումը Հայաստանի գործարար միջավայրում։ Հայաստանի համար շատ կարեւոր է, որ բիզնեսները վստահեն միմյանց, եւ վստահեն նաեւ պետությանը։ Այս առումով Կորպորատիվ կառավարման կենտրոնը շատ մեծ առաքելություն  է ստանձնել, եւ մենք պատրաստ ենք աջակցել իրեն»,- նշել է Վահան Քերոբյանը։

«Մեր կազմակերպությունն արդեն տարիներ շարունակ իր առաքելությունն է իրականացնում կորպորատիվ կառավարման լավ մշակույթը Հայաստանում տարածելու ուղղությամբ։ Մինչ այս փաստաթղթի ստորագրումը, մենք համագործակցել ենք Էկոնոմիկայի նախարարության հետ, սակայն նման փաստաթղթավորում դեռ չէր եղել։ Մի շատ կարեւոր նախաձեռնությամբ է հանդես եկել կենտրոնը, դա  բիզնեսի բարեվարքության ակումբի ձեւավարումն է, որում ունենք 23 անդամ՝ բիզնեսի ներկայացուցիչներ, անձինք, ովքեր կորպորատիվ կառավարման հանձնառություն ունեն։ Մենք համատեղ ուժերով, ինչպես փորձագիտական, այնպես էլ պետական ու հասարակական կազմակերպությունների հետ համագործակցելով, պետք է օժանդակենք այդ խնդիրների լուծմանն ու դաշտն ավելի թափանցիկ, պատասխանատու եւ ազնիվ դարձնենք»,- իր հերթին ասել է Կորպորատիվ կառավարման կենտրոնի տնօրեն Նարինե Մելիքյանը։

«Կորպորատիվ Կառավարման Կենտրոն»-ը միջազգային մասնավոր ձեռնարկատիրության կենտրոնի (CIPE) ֆինանսավորմամբ իրականացնում է «Հայաստան. հզորացնել մասնավոր հատվածը ժողովրդավարական անցմանն աջակցելու համար» դրամաշնորհային ծրագիրը։

Աղբյուրը՝ Banks.am