Cryptocurrency Prices by Coinlib

Նաիրա Նազարյանը «Հայփոստ»-ի նոր PR-տնօրենն է

d5b6d5a1d5abd680d5a1 d5b6d5a1d5a6d5a1d680d5b5d5a1d5b6d5a8 d5b0d5a1d5b5d683d5b8d5bdd5bf d5ab d5b6d5b8d680 pr d5bfd5b6d685d680d5a5 60376065dac3c
«Հայփոստ» ՓԲԸ հասարակայնության հետ կապերի տնօրենի պաշտոնը ստանձնել է Նաիրա Նազարյանը:

Նա ավելի քան 20 տարի աշխատել է  հեռահաղորդակցության ոլորտում. ղեկավարել է «ՎԵՈՆ Արմենիա» (Beeline ապրանքանիշ) միջազգային հարաբերությունների ծառայությունը, իրականացրել է աշխատակիցների վերապատրաստման ծրագրեր, ղեկավարել է մարքեթինգային հաղորդակցությունները եւ արտաքին կապերը:

Վերջին տարիներին Նաիրա Նազարյանը ղեկավարել է Beeline-ի ընկերության Հասարակայնության կապերի ծառայությունը, իրականացրել է թվային գրագիտությանը եւ ստարտափների կայացմանն ուղղված կորպորատիվ սոցիալական պատասխանատվության քաղաքականություն, ոլորտի ճանաչված եւ բարձրակարգ մասնագետներից է:

Ուսանողների համար դասախոսություններ է կարդացել «PR եւ հաղորդակցային տեխնոլոգիաներ», «Թվային գործիքները` նոր դարաշրջանում» եւ այլ թեմաներով:

«Ուրախ ենք, որ մեզ է միացել ոլորտի սիրված մասնագետներից մեկը, ողջունում եմ Նաիրային մեր ընկերությունում եւ հաջողություն եմ մաղթում նրան եւ ողջ թիմին «Հայփոստի» ժամանակակից դիրքավորման եւ ավելի լավ ներկայացման հարցում»,- ասել է «Հայփոստի» գլխավոր տնօրեն Հայկ Կարապետյանը:

Աղբյուրը՝ Banks.am