Cryptocurrency Prices by Coinlib

«Աշխարհի լավագույն թիմերում չկան սևամորթ մարզիչներ»․ Զեյդորֆը՝ ռասիզմի մասին

d5a1d5b7d5add5a1d680d5b0d5ab d5acd5a1d5bed5a1d5a3d5b8d682d5b5d5b6 d5a9d5abd5b4d5a5d680d5b8d682d5b4 d5b9d5afd5a1d5b6 d5bdd687d5a1 6033cf01aee27

«Միլանի» նախկին կիսապաշտպան և գլխավոր մարզիչ Կլարենս Զեյդորֆը խոսել է ռասիզմի մասին:

«Ցավում եմ, որ համաձայնեցի 2014 թվականի հունիսին գլխավորել «Միլանը», այնուհետև համաձայնեցի ավելի շուտ սկսել աշխատանքը: Ինձ թույլ չտվեցին մրցաշրջանի վերջում շարունակել աշխատել: Ստիպված էի այլ առաջարկներ ընդունել` իմ մակարդակն ապացուցելու համար:

Ես ստիպված էի ռիսկի դիմել, քանի որ աշխատանքի քիչ հնարավորություններ ունեի, և մենք գիտենք, թե որն է պատճառը: Ես 12 տարի խաղացի Իտալիայում, բայց «Միլանից» հետո, նույնիսկ այնտեղ լավ աշխատած, ոչ մի զանգ չստացա: Նիդեռլանդները, իմ հայրենի երկիրը, և կրկին ինձ ոչ մի զանգ: Ի՞նչ չափանիշներով են ընտրվում մարզիչները: Ինչո՞ւ մեծ չեմպիոնները հնարավորություններ չեն ստանում աշխատել Եվրոպայում, որտեղ պատմություն է գրվել:

Ինչո՞ւ Պատրիկ Վիեյրան ստիպված է թռչել Նյու Յորք, իսկ Անրին՝ Կանադա: Մարզիչների համար հնարավորությունները հավասար չեն՝ եթե նայեք աշխարհի լավագույն թիմերի մարզիչներին, նրանց մեջ ոչ մի սևամորթ չկա:

Սա մտահոգում է հասարակությանը: Բոլորս, և հատկապես նրանք, ովքեր ինչ-որ բան փոխելու հնարավորություն ունեն, պետք է պատասխանատվություն ստանձնեն վաստակավոր աշխարհ ստեղծելու համար՝ աշխարհ, որում ամենաունակ մարդիկ պետք է առաջատար դիրքեր զբաղեցնեն։ Եթե ձգտենք, բոլորին դռները բաց կպահենք: Դա բազմազանությունն է, որը բերում է լավագույն արդյունքների»,- La Gazzetta dello Sport-ին ասել է Զեյդորֆը:

Սիրարփի Աղաբաբյան