Cryptocurrency Prices by Coinlib

Սպասելու ենք այնքան, մինչև մեր հարցը լուծվի, գիշերելու ենք օդանավականայում․ ՌԴ-ից ՀՀ հետ ուղարկված քաղաքացիներ. Tert.am

d5bdd5bad5a1d5bdd5a5d5acd5b8d682 d5a5d5b6d684 d5a1d5b5d5b6d684d5a1d5b6 d5b4d5abd5b6d5b9d687 d5b4d5a5d680 d5b0d5a1d680d681d5a8 d5acd5b8 601c28bfa4f5f

Դեռ ոչ մի նորություն չկա, ոչ մեկի կողմից, մենք օդանավակայանում մնալու ենք այնքան ժամանակ, մինչև մեր հարցերը պարզվեն: Այս մասին «Զվարթնոց» օդանավակայանում ասաց ՌԴ–ից հետ ուղարկված ՀՀ քաղաքացիներից մեկը, հաղորդում է Tert.am-ը:

«Մենք գումար ենք ծախսել ու ուզում ենք գնալ մեր գործերին: Օդանավակայանից ոչ մի պատասխան չկա»,-ասաց նա:

Հիշեցնենք, որ երեկ ՌԴ օդանավակայանի անցակետից նրանք հետ էին ուղարկվել ՀՀ, պատճառը Covid-19-ի թեսթի հետ կապված խնդիրներն էին։ Նրանք գիշերն անցկացրել են մոսկովյան օդանավակայանում:

Մեկ այլ քաղաքացի նշեց, որ իրենց կոչ են անում սպասել: «Մինչև ե՞րբ սպասենք, հո երեկվա երեխեքը չենք, որ խաղալիք տան, նստենք ստեղ, խաղանք ու սպասենք»,- ասաց նա և նշեց, որ պետք է հարցին լուծում տրվի:

«Մեր պահանջն է դեպորտը մեր վրայից հանեն, տոմսերը վերականգնեն, և այնտեղ խնդիրներ չունենանք»,- ասաց նա և նշեց, որ Ռուսաստանում ասել են, որ փաստաթուղթը կեղծ է, դրա համար էլ իրենց դեպորտ են արել:

«Քիչ գումար չէ՝ մեկ միլիոն դրամ է, պետությանը հարյուր դրամ ենք պարտք լինում, ԴԱՀԿ են տալիս: Սպասելու ենք այնքան ժամանակ, մինչև մեր հարցերը լուծվեն, ոչ մեկս էլ այստեղից դուրս չենք գնալու, գիշերելու ենք այստեղ»,– ասաց նա:

Աղբյուրը՝ Lurer.com