Cryptocurrency Prices by Coinlib

Դասադուլ՝ Գյումրու թիվ 25 դպրոցում. պատճառը՝ Տիգրան Ավինյանի որոշումն է

d5a4d5a1d5bdd5a1d5a4d5b8d682d5acd59d d5a3d5b5d5b8d682d5b4d680d5b8d682 d5a9d5abd5be 25 d5a4d5bad680d5b8d681d5b8d682d5b4 d5bad5a1d5bfd5b3 60192720c55cb

Հասարակություն

3b1ff8ae4502a99de3ffe1e203cb1744

Ծնողների որոշմամբ, փետրվարի 2-ին Գյումրու Եղիշե Չարենցի անվան թիվ 25 դպրոցում դասադուլ է սկսվել: Այս մասին հայտնում է Արմենպրեսը: Դպրոցում դասեր չեն եղել նաև երեկ՝ արդեն ուսուցչական անձնակազմի որոշմամբ:

Բողոքը վերաբերում է դպրոցի տնօրենի նշանակմանը. այստեղ տնօրենի թափուր տեղի մրցույթն անցկացվել էր 2020 թվականի սեպտեմբերի 15-ին։ Մրցույթին մասնակցել էր 7 հավակնորդ։ Կրկնակի քվեարկությամբ կառավարման խորհրդին չէր հաջողվել ընտրել տնօրեն․ չնայած 2 թեկնածուներից և ոչ մեկը չէր հավաքել պահանջված 5 ձայնը, նույն դպրոցի ուսուցիչ Մերուժան Մինասյանի օգտին գրանցվել էր 4, իսկ մյուս թեկնածուն` Իրինա Բաղդասարյանը հավաքել էր 2 ձայն: Ու քանի որ նրանցից ոչ մեկը չէր հավաքել հինգ ձայն,  ըստ գործող կարգի,  նշանակումը կատարել է փոխվարչապետը՝ հիմք ընդունելով իր աշխատակազմի կողմից 2 թեկնածուների հետ  անցկացրած հեռավար հարցազրույցը։ Ծնողներն ու դպրոցի անձնակազմը նամակ են  հղել փոխվարչապետին՝ խնդրելով տնօրենի նշանակման ժամանակ հաշվի առնել իրենց կարծիքը, սակայն նախապատվությունը տրվել է Իրինա Բաղդասարյանին, ինչն էլ հարուցել է դպրոցի անձնակազմի ու ծնողների զայրույթը։

 «Այս ողջ ընթացքում մեր խնդրանքն ու կարծիքը հաշվի չի առնվել, մենք էլ գտնում ենք, որ մեր խնդիրը կարող ենք միայն դասադուլի միջոցով լուծել, դա մեր՝ ծնողներիս որոշումն է։ Մեր դպրոցն ուներ իր թեկնածուին՝ պարոն Մինասյանին, նա շատ հարգալից է, նրան հարգում են ե՛ւ ծնողները, ե՛ւ աշակերտները, ե՛ւ ուսուցիչները, կուզենայինք տնօրեն տեսնել պարոն Մինասյանին»,- ասում է ծնողներից մեկը՝ հավելելով, որ   խախտումներ են եղել նաև տնօրենի նշանակման ժամկետների հետ կապված: «Պետական հանրակրթական ուսումնական հաստատության տնօրենի ընտրության (նշանակման) կարգի» համաձայն` ներկայացված փաստաթղթերի հիման վրա, 5 աշխատանքային օրվա ընթացքում, հաստատության` մարզային ենթակայության դեպքում Հայաստանի Հանրապետության փոխվարչապետը լիազոր մարմնի ղեկավարին գրությամբ առաջարկում է հավակնորդներից որևէ մեկի թեկնածությունը օրենքով սահմանված կարգով աշխատանքային պայմանագիր կնքելու համար, սակայն, նշված դեպքում խախտվել է, եւ փոխվարչապետը հավակնորդի թեկնածության մասին հայտնել է ոչ թե 5 օր անց, այլ երկու ամիս անց։

Ծնողները վստահեցնում են՝ երեխաները դպրոց չեն գնա այնքան ժամանակ, քանի դեռ փոխվարչապետ Տիգրան Ավինյանը չի վերանայել իր որոշումը:

Աղբյուրը՝ Lurer.com