Cryptocurrency Prices by Coinlib

Տեսագրությունը, որում ոստիկանը դժգոհում է կացության պայմաններից, արվել է պատերազմի առաջին օրերին. ոստիկանություն

d5bfd5a5d5bdd5a1d5a3d680d5b8d682d5a9d5b5d5b8d682d5b6d5a8 d5b8d680d5b8d682d5b4 d5b8d5bdd5bfd5abd5afd5a1d5b6d5a8 d5a4d5aad5a3d5b8d5b0 5f97171e3b386

Հասարակություն

Սոցցանցերում տարածվել է մի տեսանյութ, որտեղ առաջնագծում գտնվող ոստիկանության մի ծառայող դժգոհում է կացության պայմաններից ու կենցաղային վիճակից: Այս մասին տեղեկացնում է ՀՀ ոստիկանությունը։

«Ծառայողական քննությամբ ճշտվել է այդ ծառայողի ինքնությունը, ինչպես եւ՝ ովքեր են տեսանյութը տարածել:

Մասնավորապես պարզվել է, որ տեսագրությունն արվել է պատերազմի առաջին օրերին, երբ համալրման գործողությունների հրատապությունը դեռ որոշակի խնդիրներ էր առաջացնում:

Հետագայում բոլոր խնդիրները լուծվել են, եւ մարտական հերթապահությունը կարճ ժամանակում կանոնակարգված բնույթ է ստացել:

Մեր քաղաքացիներին հորդորում եւ կոչ ենք անում առանց հանգամանքները ստուգելու այս կարգի նյութեր չտարածել, չընդհանրացնել մասնավոր դեպքերը, ինչպես եւ նման նյութերի մասին տեղյակ պահել պատկան մարմիններին:

Հիշյալ տեսանյութի առնչությամբ ծառայողական քննությունը շարունակվում է:

Ըստ քննության արդյունքների կձեռնարկվեն համապատասխան միջոցներ»,- ասված է ոստիկանության հաղորդագրության մեջ։

Աղբյուրը՝ Lurer.com